EAS kompaniyasi 2025-yil 9–12-sentabr kunlari Buyuk Britaniyaning London shahrida o‘tkazilayotgan DSEI 2025 (Defence and Security Equipment International) xalqaro ko‘rgazmasida mehmon sifatida ishtirok etdi.
DSEI – bu mudofaa va xavfsizlik sohasidagi dunyodagi eng yirik tadbirlardan biri bo‘lib, har yili o‘nlab mamlakatlardan yetakchi ishlab chiqaruvchilar, ishlab chiquvchilar va soha mutasaddilarini bir joyga jamlaydi. Ko‘rgazmada ishtirok etish EAS kompaniyasining ilg‘or xalqaro texnologiyalar va yechimlarni o‘rganish, shuningdek, global mudofaa sanoatidagi hamkorlik aloqalarini kengaytirishga qaratilgan strategik yo‘nalishining muhim qismi bo‘ldi.
Tashrif davomida kompaniya vakillari mudofaa tizimlari, radioelektron kurash, kiberxavfsizlik va uchuvchisiz texnologiyalar sohasidagi eng so‘nggi ishlanmalar bilan yaqindan tanishdilar. Olingan bilim va o‘rnatilgan aloqalar EAS kompaniyasining jahon tendensiyalariga mos ravishda rivojlanishiga xizmat qiladi.
EAS kompaniyasi innovatsion yondashuvlarni joriy etgan holda izchil rivojlanishda davom etmoqda hamda eng yuqori xalqaro standartlarga javob berishga intilmoqda.